Сè повеќе градови во светот воведуваат строги мерки против краткорочното изнајмување станови преку онлајн платформите како Airbnb, иако тоа придонесува за поголем престој на туристите. Една од причините за ова е тоа што тоа придонело за зголемување на цените за изнајмување и за недостиг на станови за локалното население.
Критичарите на ваквите градски одлуки велат дека со ова ќе се уништат малите претприемачи во корист на хотелските капацитети.
Шпанскиот град Барселона објави целосна забрана за краткорочно изнајмување од 2028 година и враќање на 10.000 стана на пазарот за долгорочно изнајмување. Планот неодамна беше поддржан од шпанскиот Уставен суд.
Њујорк во 2023 година го ограничи краткорочното изнајмување станови за најмногу две лица, при што домаќинот мора да биде присутен во текот на престојот. По оваа одлука, бројот на реклами се намали за дури 92 % во рок од една година.
Од регионот, Грција на 1 јануари воведе и ограничувања за краткорочно изнајмување станови и куќи преку онлајн платформи. И Загреб размислува за ваков потег. Таму се разгледуваат различни мерки – од зголемување на даноците за недвижности до забрана за изнајмување во одредени зони.
Критичарите тврдат дека сето ова ќе влијае на средната класа и на малите изнајмувачи, додека големите хотелски групи, честопати во сопственост на странци, ќе имаат корист.
Додека се обидуваат градовите да најдат рамнотежа меѓу потребите на локалното население и туристичката индустрија, сè повеќе е јасно дека не постои единствено решение.
