Долги години се пријатели, иако едниот е музичар, а другиот кошаркар. Убаво се согласуваат и разбираат. Се работи за Владимир Блажев, попознат како Панчо од некогашното дуо ДНК, и за Перо Антиќ. Поранешниот кошаркар Перо Антиќ, разбирливо, не може да ја преболи трагедијата во Кочани, во која животот, покрај многуте други, го загуби и неговиот долгогодишен пријател – Андреј, вториот член на ДНК.
Панчо или ДиЏеј Шорти сè уште е во болница, успешно закрепнува. Неодамна, кога гостуваше во поткастот на познатиот Бојан Јовановски, кошаркарот Антиќ секако дека не можеше, а да не каже и за пријателот Панчо.
Вели дека една вечер, кога седеле дома со пријателите, гледајќи кошаркарски натпревар, по телефон го побарала Маја, сопругата на Панчо, а потоа на телефон му се јавил и самиот Панчо, кого Перо нагалено го нарекува “Џуџето“.
– Прво нешто што ми кажа Панчо е тоа дека кога ќе излезе од болница, ќе направи величествен концерт за сите загинати во пожарот во Кочани, со тоа и за Андреј, за да им трае името. Таков е Панчо. И побожен! Жално е што им се случи ова на добри луѓе во Македонија – раскажа кусо Антиќ во поткастот на Боки 13. (Д. М.)
ИЗДВОЕНИ
Обвинителството ќе ја обжали ослободителната пресуда за Ѓорчевски, одбраната најави жалби за доживотните казни
Кои домашни земјоделски производи ќе ги купуваат граѓаните кога 80 отсто се од увоз?
Мицкоски: Во срцето на Европа се обидуваат да создадат нова нација и јазик!
Доживотен затвор за Палевски, Манев, Кешишев и Видевски, таткото на Вања ослободен од обвинението
