Цените на нафтата повторно пораснаа во раното тргување во понеделник, поттикнати од ескалацијата на конфликтот меѓу САД и Иран, при што барел сурова нафта Брент надмина 90 долари за прв пат од почетокот на јуни.
Цената на барел (159 литри) сурова нафта Брент од Северното Море за испорака во септември порасна за речиси 4 проценти преку ноќ, на 91,42 долари.
Потоа цената малку падна и последен пат се тргуваше на 90,20 долари. Од почетокот на јули, глобалниот репер за нафта порасна за речиси 30 проценти.
На Блискиот Исток расте загриженоста за можна понатамошна ескалација на конфликтот, а американските медиуми објавуваат дека Вашингтон распоредува дополнителни борбени авиони и танкери во зоната на конфликтот.
Американската војска бомбардира цели во Иран девет ноќи по ред, велејќи дека операциите имаат за цел да спречат ирански напади врз комерцијалниот превоз во Ормутскиот теснец, витален воден пат за глобалната трговија со нафта, гас и ѓубрива.
Техеран спроведува одмазднички напади врз земјите што се домаќини на американски воени бази во регионот, пренесува ДПА.
ИЗДВОЕНИ
Водата во Гостивар била многу загадена со колиформни бактерии
Нови цени на горивата од полноќ: Бензините поскапуваат за три, дизелот за шест денари
Забележано е почетно намалување на бројот на новoпрегледани пациенти во Гостивар, активно се следи состојбата на терен, информираат од МЗ
НАЈДОБРИТЕ СРЕДНОШКОЛЦИ ШТО ОДНОВО ДОНЕСОА ГРСТ МЕДАЛИ ОД ПРЕСТИЖНИТЕ НАТПРЕВАРИ, ПРЕД ДИЛЕМИ: Странските универзитети во трка за најталентираните ученици, Македонија мора да најде начин да им покаже колку смета на нив
