Земјите што посредуваат во разговорите за завршување на војната во Газа, Египет, Катар и Турција, денеска потпишаа документ со американскиот претседател Доналд Трамп за завршување на војната во енклавата.
Документот беше потпишан за време на меѓународниот самит на околу 20 светски лидери во египетското одморалиште Шарм ел Шеик на Црвеното Море.
„Ова е извонреден ден за светот, извонреден ден за Блискиот Исток“, рече Трамп пред потпишувањето на текстот, за кој рече дека поставува „правила“ за продолжување на мировниот процес.
Палестинскиот претседател Махмуд Абас, исто така, пристигна во египетскиот град во јужен Синај, но израелскиот премиер Бенјамин Нетанјаху не пристигна, иако беше најавен претходно. Хамас исто така не беше претставен на состанокот.
Трамп ја пофали „многу важната улога“ што ја одигра домаќинот на состанокот, египетскиот претседател Абдел Фатах ал-Сиси, во преговорите што доведоа до прекин на огнот во Газа, по што следеше размена на заложници и палестински затвореници.
Ал-Сиси му рече на Трамп дека тој е единствениот „способен да донесе мир во регионoт“.
ИЗДВОЕНИ
Во притвор почина Владо Петров, еден од осомничените за случајот „Пулс“, воедно и поранешен главен инспектор во Кочани
Увозот на забранет пестицид е исто како да се увезе дрога
МАКСИМ ДИМИТРИЕВСКИ, КАНДИДАТ НА ЗНАМ ЗА ГРАДОНАЧАЛНИК НА ОПШТИНА КУМАНОВО: Нема да застанам во остварувањето на главната цел – Куманово да продолжи да се менува
Лоши прогнози – кафето е скапо, а ќе биде уште поскапо
