Со поддршка од Европската Унија, официјално е заокружен проектот за воспоставување регионални системи за управување со отпадот во Источниот и во Североисточниот Регион, со што се поставени темелите за модерен, одржлив систем, усогласен со европските стандарди.
Проектот, спроведен од Министерството за животна средина и просторно планирање со проектниот конзорциум ENVIROPLAN S.A. – WEGlobal, опфати 18 општини и донесе конкретни резултати: зајакнати институционални капацитети, подобрена инфраструктура, набавка на возила и контејнери и затворање на критичните нестандардни локации и диви депонии.
Заменик-министерката Ане Лашкоска истакна дека проектот е јасен доказ дека европските политики се претвораат во видливи резултати на терен, нагласувајќи дека се создадени услови за функционални регионални системи што директно ги штитат здравјето на граѓаните и животната средина.
Проектот е значаен чекор кон усогласувањето со законодавството на Европската Унија и спроведувањето на зелената агенда за Западен Балкан, а Министерството најави продолжување со активностите за целосно спроведување на регионалните системи за управување со отпадот.
ИЗДВОЕНИ
Обвинителството не верува во „грозјето“, одбраната тврди: Парите се од продадени земја и трактори
Мицкоски на средба со сопственикот – „Фор-ај-џи (4iG)“ ќе инвестира 100 милиони евра за развој во Македонија
Мизерни плати, работниците во Македонија на дното во регионот – време е за промени!
Сиљановска-Давкова: Не можеме нонстоп да го менуваме Уставот по барања однадвор
