Многу лоши вести доаѓаат од Норвешка. Една од најдобрите ракометарки во светот, која играше и за македонскиот ЖРК Вардар, Камила Херем, објави дека се повлекува од спортот поради болест. Легендарната ракометарка боледува од рак на дојката и сега ќе им се посвети на закрепнувањето и на терапијата.
Херем го одигра својот последен натпревар на 2 април, што значи пред четири месеци. Соло и Сторхамер играа, а таа објави дека ѝ е дијагностициран рак пред три и пол недели, по преглед, ултразвук и мамографија. На дојката била пронајдена грутка, која се покажала како малиген тумор.
– По рутински преглед, ми се јавија од болницата и ми рекоа дека стигнале резултатите од тестовите. Ме прашаа дали можеме да дојдеме. За мене, ова беше шок. Сè уште сум во шок. Немам чувство дека е вистина. Вчера разговарав со онкологот, тој ми објасни како ќе продолжи третманот, а веќе ја примив и првата хемотерапија – рече Херем.
Камила Херем ја започна својата кариера во својот роден град, Соли, каде што е сега. Во меѓувреме, настапуваше за Бјасен, Баја Маре, Холстебро, а исто така и за „Вардар“, од каде што се врати во Соло, во 2017 година. Одигра 332 натпревари за Норвешка и постигна 951 гол, а се збогува со репрезентацијата на Европското првенство во 2024 година, кога доминираше и постигна прекрасни голови.
Освои 17 медали со репрезентацијата, претежно златни. Од Олимписките игри има два златни и два бронзени медала, од Светското првенство три злата, две сребра и една бронза, а од Европското првенство шест злата и едно сребро, во 2012 година, во Србија.
Во 2013 година, Камила Херен се омажи за норвешкиот ракометар Стефен Стегавик. Тие го добија своето прво дете во 2018 година, а второто во 2023 година. Само 24 дена по породувањето, таа се врати на теренот и повторно играше ракомет.
