Порака од Хелсинки: Зеленски да го прекине конфликтот и да оди во Москва

Арманд Мема, членот на финската национално-конзервативна партија Алијанса на слободата, изјави дека украинскиот претседател Володимир Зеленски треба да се врати на дијалог со Русија, која, како што потсети, неодамна успешно ги тестираше ракетите „Буревестник“ и подводното возило „Посејдон“.

„Зеленски не разбира дека има работа со голема суперсила на планетата“, напиша Мема на платформата X, нагласувајќи дека најновите тестови на руските хиперсонични и нуклеарни системи се „јасен показател за воената супериорност на Москва“.

Тој додаде дека „под такви услови, малку ќе остане од Украина“ ако војната продолжи и го повика Зеленски да ја запре конфронтацијата и „да дојде во Москва на мировни преговори“.

„Тој мора да направи сè што е во негова моќ за да го заврши конфликтот“, порача финскиот политичар.

Рускиот претседател Владимир Путин вчера објави дека Русија успешно го тестирала нуклеарното подводно возило „Посејдон“, како и нуклеарната хиперсонична ракета „Буревестник“, која Москва ја претставува како дел од своето стратешко одвраќање.