Скопската магла продолжува да прави проблеми во авиосообраќајот. Само во периодот од полноќ до 12 часот напладне денеска, авиокомпаниите откажале дури 20 летови, а еден лет бил пренасочен.
Мал зрак надеж се појави по 11 часот кога временските услови дозволија да слетаат авионите од Дортмунд и Виена, а во процедура е и полетувањето за Хамбург.
Сепак, прогнозите од Метео-службата на М-НАВ не се оптимистички – намалена видливост се очекува во преостанатиот дел од денов, но и во текот на утрешниот ден. Ова доаѓа по вчерашниот ден кога до 18 часот беа регистрирани 16 откажани и 11 пренасочени летови.
Од ТАВ Македонија апелираат патниците да ги следат информациите, бидејќи секоја авиокомпанија има свој праг на толеранција за магла.
„За патниците и јавноста повторуваме – Меѓународниот Аеродром Скопје не е затворен. Аеродромот е отворен, без разлика на временските прилики. Нашиот персонал, со нашата аеродромска опрема и аеродромски системи се подготвени да ги услужат и авионите и патниците“, нагласуваат од ТАВ Македонија.
ИЗДВОЕНИ
Ќе има ли зголемување на работничките и кратење на функционерските плати?
Занаетчиите уплашени, повисок минималец ќе им ги затвори дуќаните
Мажите умираат повеќе, најранливи се старите, а скринингот не стигнува до жените: Ракот тивко коси – смртноста расте, превенцијата доцни
ПРОФ. Д-Р МАРКО КИТЕВСКИ ЗА ГРИГОР ПРЛИЧЕВ: Татковината секогаш прекумерно накажува и прекумерно љуби
