Проспектот за новата граѓанска обврзница објавен вчера е на износ од 100 милиони денари, а граѓаните ќе може да доставуваат понуди за запишување обврзници до 10 декември 2025 година. Износот на една граѓанска обврзница е 10.000 денари, односно тоа е минималниот износ што може да се запише од страна на граѓаните. Купонската каматна стапка изнесува 4,5 %, а рочноста на обврзницата е две години.
Аукцијата ќе се одржи на 12 декември. Понудите се доставуваат во деловните банки во земјава. Датумот на достасување на обврзниците е 19 декември 2027 година, а каматата за исплата достасува, за првата година, на 19 декември 2026 и за втората година на 19 декември 2027 година.
Ова е трета емисија на граѓанска обврзница што ја издава Министерството за финансии. Двете емисии беа во вкупен износ од 41,1 милион евра и веќе се исплатени заедно со каматата за двете години. Во првата емисија беа запишани обврзници во износ од 23,5 милиони евра, додека во втората 17,6 милиони евра.
ИЗДВОЕНИ
Затворена училишна кујна во Карпош, ученици се пожалиле на стомачни тегоби
Се крои новата цена на струјата, ќе има ли зголемување на сметките од наредната година?
Мицкоски со нов рок: Имињата на новите министри в понеделник, Вреди нема да има министер плус
Предупредување за поплави! УХМР издаде „жолто ниво“ за опасност
