Помошникот на Путин му одговори на Трамп: „За какви заговори зборуваш?“

Советникот на рускиот претседател, Јуриј Ушаков, ги отфрли тврдењата на американскиот претседател Доналд Трамп дека Владимир Путин, Ким Џонг Ун и Шји Џинпинг заговараат против Америка.

На почетокот на воената парада во Пекинг, Трамп на мрежата Truth Social: „Нека претседателот Шји и прекрасниот народ на Кина имаат голем ден на прослава. Испратете ги моите топли поздрави до Владимир Путин и Ким Џонг Ун додека заговарате против Соединетите Американски Држави.“

На прашањето за овие изјави, Ушаков одговори: „Сакам да кажам дека не се организирани никакви заговори, никој не прави заговори, воопшто нема заговори, никој од овие лидери дури ни не помислил на тоа.“

– Можам да кажам дека сите ја разбираат улогата што ја играат Соединетите Американски Држави, сегашната администрација и самиот претседател Трамп во денешната меѓународна динамика – рече Ушаков.