Полските власти денес обвинија поранешен регистратор од Варшава за шпионажа за Русија и злоупотреба на службената должност, пренесе „Бета“.
Обвинетиот Томаш Л. е обвинет дека ѝ помогнал на Русија да создаде лажни идентитети за шпиони.
Според полските власти, тој испраќал разузнавачки информации во Русија од 2017 до 2022 година.
Полските обвинители тврдат дека обвинетиот ги копирал податоците на полските и странските државјани во граѓанските матични книги и им помогнал на странските разузнавачки служби да создадат лажни лични документи за агенти.
Томаш Л. беше уапсен од полските власти во март 2022 година. Полските медиуми известуваат дека неговото апсење им обезбедило на властите информации што придонеле за протерување на руски дипломати истиот месец.
Од почетокот на руската инвазија на Украина, полските власти обвинија десетици луѓе за шпионажа или саботажа.
ИЗДВОЕНИ
Мирослав Лабудовиќ, кандидат за градоначалник на Центар од ЗНАМ: Центар мора да биде општина на пешаци, велосипедисти и среден јавен превоз, а не центар на сообраќаен хаос!
Второ полувреме од изборната трка, комуниколозите и аналитичарите согласни: Предизборен ‘дежа ву’ – многу врева малку идеи
Афионот се враќа на нивите, може ли да предизвика ренесанса во македонскиот аграр?
Се уриваат рекорди на македонските патишта, 18.458 фатени без дозвола
