Полскиот претседател Карол Навроцки ја откажа средбата со унгарскиот премиер Виктор Орбан по посетата на Орбан на Москва во петокот, објави денес Марчин Пжидач, раководител на Одделот за меѓународна политика во Кабинетот на полскиот претседател.
Советникот на полскиот претседател рече дека Навроцки постојано се залага за наоѓање вистински начини за завршување на војната на Русија во Украина.
„Следејќи го наследството на претседателот Лех Качински, кој нагласи дека безбедноста на Европа зависи од обединета акција, вклучително и во енергетскиот сектор, и во светлината на посетата на премиерот Виктор Орбан на Москва и нејзиниот контекст, претседателот Навроцки одлучи да ја ограничи својата програма за посета на Унгарија исклучиво на самитот на Вишеградската група во Естергом“, напиша Пжидач на платформата X.
