Полската полиција уапси петмина мажи за шверц на цигари во метеоролошки балони од Белорусија, предизвикувајќи прекин на воздушниот сообраќај и откажувања на летови, соопштија денес истражителите.
Во соопштението се вели дека осомничените, меѓу кои има државјани на Украина, Белорусија и Полска, се соочуваат со обвиненија за организиран криминал, кршење на прописите за воздушен сообраќај и поддршка на агресија против Украина, објави денес „Еуроњуз“.
Во операцијата за шверц, пакети цигари во метеоролошки балони биле испратени од Белорусија со GPS уреди и кога стигнале до полска територија, GPS следењето им овозможило на шверцерите да го лоцираат и да го преземат товарот, соопштија истражителите.
Шверцуваните цигари и GPS опремата за позиционирање што се користела во шверцот на цигари биле откриени од полските гранични полицајци.
Истражителите изјавија дека групата уапсени мажи се осомничени за шверц на најмалку 48.000 пакувања цигари во вредност од речиси 237.000 евра помеѓу септември 2025 година и февруари оваа година.
Доколку бидат осудени, членовите на шверцерската група се соочуваат со затворски казни од девет месеци до 12 години.
Од почетокот на годината, полските радарски системи детектираа слични летачки објекти неколку ноќи по ред, предизвикувајќи привремени ограничувања на воздушниот сообраќај во регионот Подлаские.
ИЗДВОЕНИ
Полицијата конфискува, судот одлучува – враќањето на одземените возила може да трае со месеци
“Живите газеа да излезат надвор, мртвите ги положувавме на паркинг“
И по седум часа чекање на аеродромите – ЕУ неподготвена за биометриска идентификација
Почина маж од Тетово по компликации од грип, состојбата со вирусот се смирува
