Децата на бројни американски политичари, имено конгресмени и сенатори, се подготвуваат да ги продолжат своите семејни политички династии и традиции со тоа што ќе се кандидираат за функција на изборите во 2026 година, и иако овој тренд не е нов, сегашниот изборен циклус е обележан со голем број кандидатури од потомци или блиски роднини на сегашни и поранешни политичари.
Во трката за гувернер на државата Мејн, се издвојуваат тројца кандидати со силна политичка позадина: Ангус Кинг III, син на независниот сенатор Ангус Кинг, демократката Хана Пингри, ќерка на конгресменката Чели Пингри, и републиканецот Џонатан Буш, братучед на двајца поранешни претседатели од семејството Буш, наведува NBC.
Во државата Њу Хемпшир, Стефани Шахин, ќерка на демократската сенаторка Џин Шахин, се кандидира за слободно место во Претставничкиот дом.
Во Калифорнија, Кристин Пелоси, ќерка на поранешната претседателка на Претставничкиот дом Ненси Пелоси, се кандидира за место во државниот Сенат, додека во Џорџија, Џим Кингстон, син на поранешниот републикански претставник Џек Кингстон, се кандидира за поранешното конгресно место на својот татко.
Феноменот на семејни врски во политиката оди подалеку од односите родител-дете. Во Тексас, републиканскиот конгресмен Трој Нелс го поддржа својот брат близнак Тревор за претседател.
Аналитичарите велат дека познатото име може да го олесни собирањето донации и привлекувањето внимание на јавноста, но може да биде и товар во време на силни антиестаблишмент расположенија и обвинувања за непотизам.
Според анкетата на NBC во ноември, 57 проценти од гласачите рекле дека би гласале за отстранување на сите членови на Конгресот доколку можат.
