Полицијата во Манчестер призна: По грешка застрелавме едно лице кое почина во нападот врз синагогата

Двајца мажи убиени во вчерашниот терористички напад врз синагога во Манчестер се идентификувани како Адриан Долби (53) и Мелвин Кравиц (66). Во шокантен пресврт, полицијата призна дека убила една од жртвите по грешка за време на интервенцијата во синагогата на хебрејската конгрегација во Хитон Парк, објави Скај Њуз.

Шефот на полицијата, Сер Стивен Вотсон, изјави дека една од жртвите била убиена од полициски оган додека полицајците се обидувале да го спречат напаѓачот да влезе во синагогата.

„За жал, неговата повреда можеби е трагична и непредвидена последица од итно потребните мерки преземени од нашите полицајци за да се стави крај на овој свиреп напад“, рече Вотсон.

#UPDATE | Chief Constable Sir Stephen Watson has provided an update following yesterday’s tragic incident on Middleton Road in Crumpsall. pic.twitter.com/VWTpOE4KG3

— Greater Manchester Police (@gmpolice) October 3, 2025

Се верува дека мажот бил зад вратите на синагогата, во близина на другата жртва која е хоспитализирана со прострелна рана, но е надвор од животна опасност. Двајцата починати мажи се од Крампсал, дел од Манчестер.

Семејството на Мелвин Кравиц го опиша како „нежен џин“ кој „никогаш не би стапнал на мравка“, изразувајќи ја својата тага и шок поради неговата смрт. Неговиот роднина Фил Бентли истакна дека трагедијата е уште поголема бидејќи Кравиц во тоа време не би бил во синагогата.

„Тој не го заслужуваше ова. Никој не го заслужува ова“, додаде неговата сопруга Евајн, нагласувајќи дека нападот ќе има „огромно влијание“ врз локалната еврејска заедница. Пријателот и сосед Хинди Коен рече дека Кравиц бил „прекрасен човек“ со одлично чувство за хумор, кого децата го обожавале.