Полицијата во Чешка го уапсила „фантом возачот“ на „Формула 1“ по надмудрување од 2019 година

Чешката полиција го уапси возачот на автомобил сличен на автомобил од Формула 1, кој е виден неколку пати на автопатот од 2019 година.

Видео што се појави денес на социјалните мрежи прикажува карактеристичен автомобил како вози по автопатот Д4 и запира на бензинска пумпа, а возачот, 51-годишен маж, е уапсен откако одбил да излезе од возилото, објавува Би-Би-Си.

Видеото го прикажува возачот како седи во автомобилот и се расправа со полицајците, тврдејќи дека тие влегуваат нелегално во приватен имот.

На крајот, возачот кого чешките медиуми го нарекуваат „фантом“ попуштил и се согласил да биде однесен на испрашување, сè уште облечен во црвена тркачка опрема и кацига.

Човекот, кого медиумите го идентификуваа како негов син, им кажал на локалните медиуми дека нивната куќа е опкружена со полициски возила и хеликоптер, што според него е непропорционална реакција „на наводен сообраќаен прекршок“.

Полицијата првпат го забележала  „фантом возачот“ на “Формула 1” во 2019 година, кога фотографии и видеа од автомобилот на автопатот почнале да се појавуваат на интернет.

Потоа го лоцирале возилото и го испрашале неговиот сопственик, кој негирал дека некогаш го возел автомобилот на автопатот, и сè уште не е јасно дали станува збор за истото лице што сега го уапсиле, наведува Би-Би-Си.