Полета авионот на „судниот ден“! Што се крие зад мистериозниот лет на авионот што не полетува без причина?

Полетувањето на американскиот воен авион E-4B Nightwatch, познат во јавноста како „Авион на судниот ден“, предизвика бран вознемиреност и бројни шпекулации во Соединетите американски држави, пренесуваат западните медиуми.

Кратко по полетувањето на E-4B, во воздух беше подигнат и воен транспортен авион Boeing C-17 Globemaster III, што дополнително ги поттикна сомневањата на корисниците на социјалните медиуми дека нешто необично се случува во земјата. На платформите X и Reddit се појавија коментари дека присуството на вакви авиони во исто време „јасно укажува дека нешто не е во ред“.

„Дали е нормално авион што го симболизира крајот на светот да биде тајно префрлен – за прв пат во неговата 51-годишна историја на летови?“, прашаа корисниците во бројни објави што брзо станаа вирални.

BREAKING 🚨🚨#LosAngeles / #California

Possibly the first appearance in its 50 year + flying history, the Boeing 747 E-4B Nightwatch, also known as the “Doomsday Plane,” showed up at LAX Thursday evening.

That’s new. pic.twitter.com/Uq3MfY74yj

— OC Scanner 🇺🇸 🇺🇸 (@OC_Scanner) January 9, 2026

Сепак, некои американски блогери понудија поприродно објаснување, наведувајќи дека летот не бил поврзан со никаква криза, туку дека, како и во октомври минатата година, директорот на ФБИ, Кеш Пател, го користел овој авион за да патува на официјален состанок.

Последната дилема се обидоа да ја решат водечките американски медиуми, кои подоцна објавија дека летот на Е-4Б бил дел од турнејата „Арсенал на слободата“, организирана од секретарот на Пентагон, Пит Хегсет. Целта на оваа турнеја, според наводите, била да се привлече вниманието на јавноста и политичките кругови кон структурните проблеми и предизвици со кои се соочува американската одбранбена индустрија.

Така, барем според официјалните објаснувања, мистеријата околу „Авионот на судниот ден“ овој пат доби административен, а не апокалиптичен епилог.