Орце Ѓорѓиевски, кандидат за градоначалник на Скопје од ВМРО-ДПМНЕ, имал средба со Изет Меџити и Башким Бакиу од Коалицијата ВРЕДИ од кои, како што објави на Фејсбук, добил искрена и силна поддршка за вториот круг од локалните избори.
„Заедно ќе го направиме нашиот град повторно горд, модерен, достоинствен и отворен за сите што живеат во него“, порача Ѓорѓиевски.
– Подадена рака! Денес остварив средба со новиот градоначалник на Чаир, Изет Меџити, и со кандидатот за градоначалник на Скопје од Коалицијата Вреди, Башким Бакиу. Од нив добив искрена и силна поддршка за вториот круг во Скопје, поддршка која дава дополнителна енергија и мотив да продолжиме напред. Благодарам на сите кои ја препознавте визијата, дадовте доверба и избравте иднина за Скопје. Заедно ќе го направиме нашиот град повторно горд, модерен, достоинствен и отворен за сите што живеат во него. Скопје го правиме заедно. По скопски! Победата ќе биде историска“ напиша Ѓорѓиевски на својата страница на Фејсбук.
ИЗДВОЕНИ
Инфлуенција со симптоми слични на ковидот „шета“ во затворено
ШТО ПОКАЖА ПРВИОТ КРУГ ОД ЛОКАЛНИТЕ ИЗБОРИ? Власта го зацврсти мандатот, опозицијата во битка за второто место
За метла можат да се фатат 44 градоначалници, останатите ќе чекаат втора среќа
Карбон-таксата за Македонија ќе биде задолжителна од 2028 година
