Премиерот Христијан Мицкоски, заедно со градоначалникот на Општина Гази Баба, Бобан Стефковски, поставија камен-темелник за нова спортска сала во ООУ „Григор Прличев“ во Железара.
Објектот ќе биде со површина од 650 квадратни метри, а инвестицијата е во вредност: 38.200.000 денари, при што првата фаза ќе чини 20.000.000 денари.
Освен тоа, тие извршија и увид во градежните активности за реконструкција на улицата „Петре Филиповски Гарката“ во Триангла, во должина од 603 метри.
Градоначалникот Стефковски истакна дека реконструкцијата опфаќа: гребење и асфалтирање. Проектот чини 7.501.938 денари.
