Општина Аеродром ја почна првата фаза од изградбата на мултифункционалниот фитнес-комплекс KANAK K-030, покрај булеварот „Србија“, во непосредна близина на „Лукоил“ во Општина Аеродром.
Станува збор за систем на справи од светски реномираната марка „Kenguru PRO“, наменети за калистеника и за вежбање на отворено, како и за организирање меѓународни натпревари.
– Со овие справи, сите граѓани, без оглед на возраста и на кондицијата, ќе имаат можност да вежбаат, да ја подобрат физичката форма и да го подобрат своето здравје на само неколку чекори од својот дом – соопштија од локалната самоуправа.
Оттаму додаваат дека справите се поставени со цврсти алуминиумски стеги со TÜV-сертифициран квалитет, што гарантира безбедност и долг рок на употреба.
Исто така, во рамките на овој спортски комплекс ќе бидат изградени првото залетиште со тартан патека и корито со песок, кои ќе служат за скок во далечина.
