Почна бележењето на пешачките премини

Екипите на ЈКП „Гази Баба“ започнаа акција за бележење на пешачките премини на локалните улици во надлежност на Општината.

Бележењето започна во населбата Железара, а утре ќе продолжи во Автокоманда.

– Во наредните денови, ќе се работи во Триангла, Маџари, Хиподром, Ченто и во други делови на нашата општина. Бележењето на пешачките премини не е само техничка работа туку и важен чекор кон зголемување на безбедноста на сите учесници во сообраќајот, особено на најранливите категории: децата, учениците и повозрасните. Јасно обележаните премини ги потсетуваат возачите да бидат повнимателни и да ја почитуваат предноста на пешаците – велат од Општина Гази Баба.

Оттаму додаваат дека акцијата е дел од континуираната грижа за сообраќајната сигнализација и за урбаниот ред, со цел да се изгради побезбедна и поорганизирана општина за сите.