По повеќе од 70 години чекање, коцката на улицата „Јордан Поп Јорданов“ во Маџари конечно заминува во историјата, а Маџари добива современа, безбедна и функционална сообраќајница!
Градоначалникот Бобан Стефковски истакна дека работите се одвиваат со добра динамика и согласно со предвидениот план. Овој проект е исполнување на едно долгогодишно барање на жителите од овој дел на Маџари.
– Пред да започнеме со асфалтирањето, одговорно и темелно ги реализиравме клучните инфраструктурни зафати: изградба на атмосферска канализација, со што се решава проблемот со одведување на атмосферските води, како и изградба на водоводна мрежа, за сигурно и квалитетно водоснабдување на домаќинствата – информираше Стефковски.
Покрај асфалтирањето на коловозот, проектот предвидува и изградба на нови пешачки патеки со павер елементи, кои ќе обезбедат поголема безбедност за пешаците, подобра пристапност и уреден изглед на улицата.
