Работникот заробен под урнатините откако дел од Торе деи Конти се урна во центарот на Рим почина во болницата „Умберто I“, соопштија здравствени извори утрово.
Се работи за Октај Стројичи, кој бил затрупан околу 11 часа пред пожарникарите да го извлечат од урнатините, објави Анса.
Неговата состојба била опишана како „екстремно сериозна“ – тој доживеал срцев удар веднаш по пристигнувањето на брзата помош, и покрај стабилизацијата и транспортот во болница, лекарите не можеле да го спасат.
Во спасувачката операција биле вклучени околу 140 пожарникари.
За време на интервенцијата, се случиле две одделни уривања, со разлика од нешто повеќе од еден час, уништувајќи дел од средновековната кула што се наоѓа во Царскиот форум.
Се урна историската кула кај Колосеумот во срцето на Рим, еден работник остана под урнатините/ВИДЕО
