Продирањето на студен фронт што ќе се движи од север кон исток и запад, и подалеку кон југ, ќе донесе драматични промени во температурата во наредните денови, постепено ширејќи се кон Централна Европа и Балканскиот Полуостров, објави веб-страницата Severe Weather Europe.
Студениот бран ќе го достигне својот врв од четврток до сабота, а најниските температури ќе бидат забележани во Западен Балкан, областа на Јадранското Море и јужните и централните делови на Италија, наведуваат метеоролошките служби.
Така, на почетокот на октомври, температурата ќе биде најмалку 15 степени Целзиусови пониска од просекот за ова време од годината, така што во многу земји живата во термометарот ќе падне под нулата.
Синоптичарите посочуваат дека најниската температура ќе биде забележана на Балканот, така што во сабота на југот на Србија и во Македонија, како и во западна Бугарија наутро ќе биде помеѓу минус 2 и минус 6 степени.
Невообичаено студениот фронт ќе донесе и бура по бреговите на Западен Балкан, обилни снежни врнежи на планините, како и првиот мраз во оваа сезона.
