Од Универзалната сала до пред Основниот кривичен суд Скопје, семејството на Фросина Кулакова попладнево изрази револт поради вчерашната пресуда за 12 години затвор за возачот кој ја прегази нивната ќерка во јануари годинава на булеварот „Партизански одреди“ во Скопје.
Таткото на Фросина, Тодор Кулаков, побара максимална затворска казна за возачот и дисциплинска постапка и времено суспендирање на судијката Снежана Марковска.
На протестот поддршка дадоа и повеќе семејства со слични постапки, незадовлни од пресудите на обвинителството против сторителите. Кулакови најавија дека протестите ќе продолжат.
