По 60 години, асфалтирани се пристапните улици во кругот на Клиничката болница Штип, а обезбеден е и нов пристапен влез за Итната медицинска помош.
Градоначалникот на Општина Штип, Иван Јорданов, информираше дека е оспособена старата капија со нов потпорен ѕид, инвестиција вредна 1,5 милиони денари (прва фаза).
Во втората фаза се асфалтираат сите пристапни улици во рамките на Клиничкиот центар, проект вреден над 2,5 милиони денари.
Според Јорданов, главен приоритет останува доградувањето на новата клиничка болница, за подобри услови и за побрза здравствена грижа за сите.
