Терминалот 1 на аеродромот „Берлин-Бранденбург“ (BER) вечерва беше евакуиран по налог на германската федерална полиција. Првичните извештаи укажуваа дека причината е безбедносна проверка на багаж, иако немаше моментална потврда за реална закана, пренесува DW.
Пријава за опасна материја
Портпарол на полицијата за германската новинска агенција DPA потврди дека патниците морале да ја напуштат зградата. Според портпаролот, една жена им пристапила на припадниците на обезбедувањето и пријавила дека во нејзиниот багаж има опасна материја. „Не можевме да ја исклучиме можноста за закана од непозната материја“, изјави портпаролот.
Како резултат на тоа, беше активиран безбедносен протокол за опасен багаж; портпаролот одби да даде дополнителни детали во раната фаза на истрагата. Уште пред официјалната потврда, снимки објавени на социјалните мрежи од патници и од еден германски новинар покажаа како се врши евакуација на терминалот. Видеата прикажуваа групи луѓе кои чекаа пред зградата и возила на итните служби паркирани на влезот на долното ниво.
Влијание врз воздушниот сообраќај
Аеродромските власти подоцна го потврдија инцидентот. „Федералната полиција активираше безбедносен протокол околу 17:45 часот поради сомневање за присуство на опасна материја“, изјави портпарол на аеродромот, потврдувајќи дека „јавниот простор на Терминалот 1 потоа беше испразнет“. Тој објасни дека авионите подготвени за полетување можеле нормално да заминат, а слетувањата се одвивале според распоредот.
ИЗДВОЕНИ
Раст на економијата со 4,3 % наспроти 65 отсто долг!?
Наставниците на првиот училиштен час – врсничкото насилство нема да се толерира
„Тајм аут“ го стави македонскиот бисер на првото место: Охридското Езеро најубаво во Европа – пред Комо и Алберобело
Нема да има грозје ниту за вино ниту за ракија, сушата го погоди, градот го дотепа
