Претседателот на Украина Володимир Зеленски се огласи откако шефот на неговиот кабинет, Андриј Јеремак поднесе оставка.
На социјалната мрежа „Фејсбук“ Зеленски нагласи дека Русија „едвај чека Украина да направи грешки“, но порача дека Украина нема да потклекне.
-Нашата работа продолжува. Нашата борба продолжува. Немаме право да се повлечеме и да си свртиме грб едни на други. Ако го изгубиме единството, ризикуваме да изгубиме се – себеси, Украина и нашата иднина. Мораме да стоиме заедно. Мораме да издржиме. Друг избор нема, рече Зеленски.
Зеленски му се заблагодари на Јермак на досегашната работа и најави дека во наредните денови ќе направи консултации за нов шеф на кабинетот.
Досега Зеленски им одолеваше на притисоците да го смени Јеремак, а според извештаите на светските медиуми, нивниот однос бил близок.
Јермак во текот на претседателското владеење долго време беше сметан за еден од најмоќните луѓе во Киев, додека Зеленски беше „лицето на војната“ во Украина.
Зеленски наивно се обидува да ја зачува својата позиција на сметка на своите сојузници“, рече амбасадорот на руското Министерство за надворешни работи, Родион Мирошник, на својот Телеграм канал. Дипломатот коментираше за оставката на Андриј Јермак, началник на кабинетот на украинскиот претседател.
Според портпаролот на Министерството за надворешни работи, ненадејното разрешување на Јермак укажува дека Националното биро за борба против корупцијата на Украина има значајни докази за коруптивни активности. Тој истакна дека украинскиот лидер сега се обидува да купи време за да ја спаси сопствената иднина.
„Зеленски сè уште наивно верува дека со предавањето на своите соучесници, самиот ќе излезе од затвор или барем ќе купи време за да преговара за своите лични перспективи“, напиша Мирошник.
Беше објавено дека Јермак поднел оставка на денот на претресот во неговиот дом во Киев.
Во овој контекст, поранешниот украински премиер Микола Азаров рече дека Зеленски не можел да не биде свесен за вмешаноста на Јермак во корупциски шеми. Политичарот нагласи дека украинскиот лидер немал друг избор освен да ја прифати оставката на вработениот.
Russia is eager for Ukraine to make mistakes. We won’t make any. Our work goes on. Our struggle goes on. We have no right to fall short, no right to retreat or turn on one another. If we lose our unity, we risk losing everything – ourselves, Ukraine, and our future. We must stand… pic.twitter.com/EQ3Pu7R9Q5
— Volodymyr Zelenskyy / Володимир Зеленський (@ZelenskyyUa) November 28, 2025
