По наредба на Албин Курти, помошникот директор на Канцеларијата за Косово и Метохија, Игор Поповиќ, задолжен за правни прашања, вечерва беше приведен во Косово и Метохија, откако присуствуваше на одбележувањето на годишнината од страдањето на Србите во регионот Ораховац од рацете на криминалната ОВК, соопшти Канцеларијата за Косово и Метохија.
Поповиќ беше приведен за неговата изјава по одбележувањето, едноставно затоа што ги нарече со нивните вистински имиња оние кои убија 47 Срби и Роми и киднапираа повеќе од сто невини луѓе во јули 1998 година.
Во исто време, како што наведува Канцеларијата, „пироманот Курти сака да предизвика нова криза на терен и да им испрати порака на Србите дека за нив нема мир ниту правда“.
Директорот на Канцеларијата за Косово и Метохија, Петар Петковиќ, веднаш го информираше Брисел за апсењето на неговиот соработник и побара негово итно ослободување, како и заштита на мисиите што работат во Косово и Метохија.
Канцеларијата додаде дека навремено ќе ја информира јавноста за сите дополнителни детали за овој случај, пренесува „Танјуг“.
ИЗДВОЕНИ
Кој ќе излезе од партискиот шинел и ќе го врати Скопје на скопјани?: Орце Ѓорѓиевски или Каја Шукова – слични приоритети, различна метла
Механизмот е во рацете на парламентарците: Првата антикорупционерка доби обвинение, но не даде оставка, ќе се активира ли Собранието?
![[Интервју] Хрватско-американскиот режисер Боби Грубиќ: „Астерфест“ е одличен старт за „Самотија“](https://www.vecer.press/wp-content/uploads/2025/07/prva-2-450x300.jpg)
[Интервју] Хрватско-американскиот режисер Боби Грубиќ: „Астерфест“ е одличен старт за „Самотија“
ЖИВОТНИ ПАТОКАЗИ, ЗОРАН КРСТЕВСКИ: Мир и ненасилство
