Откако Украина изврши неколку моќни напади длабоко на руска територија за само неколку дена, Москва сега поставува нови услови за продолжување на мировните преговори.
Високиот функционер на руската Дума, Алексеј Чепа, изјави дека третата рунда разговори со Киев би можела да се одржи до крајот на месецот, но само ако Украина престане да напаѓа воздухопловни бази во кои се сместени руски стратешки бомбардери.
Ново барање по нападот врз стратешки руски цели
Барањето доаѓа само два дена по историскиот напад со беспилотни летала на Украина врз воените аеродроми низ Русија, вклучувајќи ги и базите во Сибир, кој ги погоди бомбардерите Ту-95, Ту-160 и Ту-22М3 – клучни носачи на руските ракетни напади врз Украина.
Украински извори тврдат дека повеќе од 40 авиони биле оштетени, додека руските блогери и функционери признаваат дека биле погодени десетина авиони.
Денес беше извршен нов напад врз Кримскиот мост, во кој – според СБУ – беа употребени 1100 килограми подводен експлозив. Мостот беше затворен и повторно отворен неколку пати во текот на денот, а сообраќајот беше накратко целосно запрен.
Во такви околности, аналитичарите го толкуваат новото руско барање како знак на вознемиреност поради длабочината и ефикасноста на украинските напади врз стратешките цели.
ИЗДВОЕНИ
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
Охрид SOS: Огромен објект никнува во Охридската чаршија, овде секој прави што сака!
Раздавање за душите, жед за правда – Кочани ја одбележува најтажната задушница
Онкологија во сенка на скандалот – лекови стигнуваат, но довербата не се враќа
