Властите во Белгија ќе ги засилат инспекциите на продавниците што продаваат електрични тротинети од септември за да се осигурат дека тие ги исполнуваат сите безбедносни стандарди по наглото зголемување на сообраќајните несреќи, објави „Институтот за безбедност на патиштата Вијас“, пренесе „Бета“.
Бројот на несреќи со електрични тротинети се зголеми за 61 процент во првиот квартал од 2025 година во споредба со истиот период минатата година, рекоа од „Вијас“.
„Во просек, имаше пет несреќи дневно со смртни случаи или повреди“, додаде институтот.
Електричните тротинети се сè попопуларни во Брисел, Антверпен и Лиеж, при што многу модели се увезуваат и продаваат во земјата и достигнуваат брзина поголема од законската граница од 25 километри на час.
„Некои модели, особено кинеските, се исклучително популарни кај младите луѓе поради нивните прифатливи цени и можноста да достигнат неверојатни брзини“, рече Вијас.
Министерот за заштита на потрошувачите, Роб Биндерс, објави дека неговите служби имаат намера да ги засилат проверките за усогласеност меѓу белгиските дистрибутери на возила од септември оваа година и дека Белгија ќе се залага за забрана за продажба на модели кои се сметаат за пребрзи.
„Внатрешниот пазар не запира на нашите граници. Уред кој е забранет овде, но слободно се продава на други места, претставува ризик за белгискиот потрошувач. Само европски пристап навистина ќе го реши овој проблем“, рече денес Биндерс.
Институтот Виас побара построги стандарди за големини на тркалата на скутерите и побрзо одобрување на уредите за контрола на брзината издадени од полицијата.
