Голем број граѓани се собраа вечерва по булеварот Ослободување во Нови Сад за да ги пречекаат колоните студенти и граѓани кои пристигнуваат на комеморативниот собир по повод годишнината од уривањето на покривот на железничката станица, во кој минатата година загинаа 16 лица.
Први во Нови Сад влегоа велосипедисти од Бачка Паланка, по што следеа студенти од Нови Пазар, кои поминаа околу 400 километри пеш во текот на 16 дена. Нивното пристигнување предизвика голем ентузијазам кај собраните.
По должината на патот од двете страни се распоредени стражари, додека граѓаните со факели, знамиња и транспаренти го поздравуваат пристигнувањето на колоните, пишува „Н1 Србија“.
View this post on Instagram
Најголем број луѓе се собраа кај зградата на НИС, на раскрсницата пред Мостот на слободата. Таму беше поставен голем транспарент со натпис „Еден чекор до слободата“, додека пораката „Нови Сад е светот“ виси во близина на паркот Лимански.
На истото место беше поставена сцена, а граѓаните организираа и тезги со храна и пијалоци – се делат штрудли, кифли, колачи и сокови, а во голем котел се готви чорба од 70 килограми месо, доволно за околу 300 порции.
Низ градот помина и колона возила од здружението на таксисти СОС, која граѓаните ја поздравија со голем аплауз. Возачите на тоа здружение во изминатата година му помагаат на студентското и граѓанското движење со собирање донации и бесплатен превоз на демонстранти.
ИЗДВОЕНИ
Со парите што ги трошиме за купување струја, досега ќе ја изградевме ХЕЦ „Чебрен“
И во Македонија има компании што повеќе личат на фитнес-центри отколку на класични фирми
Прават заби на државен трошок, а живеат на европска нога
ЛЕКОТ „КЛЕКСАН“ ПРОТИВ ЗГРУТЧУВАЊЕ НА КРВТА ОД КРАЈ НА НОЕМВРИ ЌЕ СЕ ПОДИГНУВА СО РЕЦЕПТ
