Израелското Министерство за надворешни работи објави на платформата X дека Хамас ги ослободи седумте израелски заложници, киднапирани за време на нападот на 7 октомври 2023 година, по повеќе од две години заложништво.
„Чекавме 738 дена за да го кажеме ова: добредојде дома, Алон, Еитан, Гај, Зив, Гали, Омри и Матан!“, се вели во соопштението на министерството со фотографии од ослободените мажи.
Според израелските власти, сите биле киднапирани во 2023 година за време на нападот на Хамас врз јужен Израел, кога милитантите убиле околу 1.200 луѓе и однеле повеќе од 250 заложници во Појасот Газа. Меѓу ослободените се Алон Охел, Еитан Мор, Гај Гилбоа-Далал, Зив и Гали Берман, Омри Миран и Матан Ангрест.
Заложниците биле држени во сурови и нехумани услови за време на нивното заложник, без соодветна медицинска нега и под постојан надзор на милитантите на Хамас, објави претходно Израел.
We’ve been waiting 738 days to say this:
Welcome home Alon, Eitan, Guy, Ziv, Gali, Omri, and Matan! pic.twitter.com/od8BbrMueb— Israel Foreign Ministry (@IsraelMFA) October 13, 2025
ИЗДВОЕНИ
Од „ќе чини“ до „исто е како виза“: Шест најчести прашања за стапувањето во сила на системот за патување EES
Кандидатите и лидерите го трчаат последниот круг од предизборната кампања: Фотофиниш со високи влогови – кој ќе ја освои довербата, а кој ќе се сопне?
Избори по изборите – од локални битки до централна арена?!
Непријавени работници, неиздавање фискални сметки, Македонија сè уште се бори со сива економија
