Како што се приближува времето за летни одмори, многумина избираат место каде што можат да ги поминат летните одмори евтино, а воедно и место каде што можат да уживаат во прекрасните пејзажи. Македонците генерално летуваат во соседна Грција, а таму се наоѓа и најубавата плажа. За 2025 година, титулата најубава плажа и припадна на Гларокавос на полуостровот Касандра во регионот Халкидики во северна Грција.
Оваа плажа ја доби оваа престижна титула врз основа на гласови од патници од целиот свет, спроведени од организацијата EBD (Европски најдобри дестинации).
Плажата, која се наоѓа во истоимената лагуна, се нарекува и „Сино Езеро“ и ги освои срцата на посетителите со својата прекрасна природа – тиркизното море опкружено со борови дрвја, мирот што го зрачи и богатството од културни атракции во близина. Лагуната е многу популарна за семеен одмор, но и кај кајакарите и веслачите. Едниот дел од плажата е опремен со лежалки и други туристички погодности, додека другиот им овозможува на туристите да уживаат во недопрената природа, објавува порталот Панкуфер.
На овогодинешната листа на најдобри европски плажи се најде и плажата Бање во Дубровник, која го зазеде осмото место на листата.
Десетте најубави европски плажи во 2025 година се:
Гларокавос, Грција
Кала Брандинчи, Италија
Кала Прегонда, Шпанија
Кала Луна, Италија
Гејл Фонтенјас, Португалија
Ла Пелоса, Италија
Де Лос Муертос, Шпанија
Асос, Грција
Бање, Хрватска
Гулпиџури, Шпанија.
