Француското обвинителство денеска соопшти дека се спроведува претрес во француската канцеларија на платформата X, во сопственост на американскиот милијардер Илон Маск, во рамки на истрага покрената уште во јануари 2025 година.
Според соопштението на Обвинителството во Париз, претресот го спроведуваат специјализирани оддели за сајбер-криминал, со учество и на Европол, јави француската телевизија BFM.
Истрага по пријава на пратеник
Како што пренесува France Info, париското обвинителство го испитува функционирањето на платформата X од почетокот на 2025 година, по пријава поднесена на 12 јануари 2025 година од францускиот пратеник Ерик Боторел.
Иако правното лице одговорно за платформата X е регистрирано во Ирска, француската подружница „X France“ е задолжена исклучиво за комуникација и јавни работи, што ја прави предмет на истражни активности на француските власти.
Повеќекратни истраги во Франција и ЕУ
Платформата X веќе се наоѓа под неколку истраги во Франција и на европско ниво. Во јануари, француското регулаторно тело за аудиовизуелни и дигитални комуникации Arcom поднесе жалби до Европската комисија, обвинувајќи ја платформата за манипулација со алгоритмите за препораки.
Покрај тоа, Европската комисија уште од декември 2023 година води постапка за можно кршење на Законот за дигитални услуги (DSA) на Европската унија, особено во делот што се однесува на борбата против дезинформации. Заклучоците од оваа истрага се очекуваат во наредните недели.
Share this:
ИЗДВОЕНИ
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
Над 500 илјади граѓани ќе добијат пари од поврат на ДДВ
Пензионерите и студентите шест месеци ќе работат легално, а потоа во сивата економија
МВР: 651 прекршоци регистрирани вчера преку „Безбеден град“, од нив 585 за пребрзо возење
