Копилотот на летот FZ1073 на „Флајдубаи“ (Flydubai) се обидел да изврши терористички напад за време на летот, соопшти денеска јавниот обвинител на Обединетите Арапски Емирати.
„Копилотот го нападнал пилотот во пилотската кабина со секира и се обидел да ја преземе контролата врз авионот“, изјавил јавниот обвинител, како што пренесе државната новинска агенција WAM.
Во тек е истрага за утврдување на околностите на инцидентот, мотивот и евентуалните поврзаности, како и за анализа на материјалните и дигиталните докази.
Инцидентот се случи на 30 септември за време на лет на „Флајдубаи“ (Flydubai) од Обединетите Арапски Емирати кон Тел Авив – со 174 лица во авионот, главно израелски државјани – кога копилотот, државјанин на Оман, го нападна и го повреди капетанот, предизвикувајќи авионот нагло да изгуби висина.
Патниците успеаја да влезат во пилотската кабина и да го совладаат копилотот, додека други пилоти кои патуваа како патници помогнаа да се стабилизира леталото и безбедно да се приземји во Саудиска Арабија.
ИЗДВОЕНИ
Скопскиот атлетски маратон има поинакво значење за Горан Билбилоски: Од лична приказна до трка за инклузија
Од затворот во Куманово газда Деко се сели во Шутка, нови 30 дена за ново дело
БОЛЕДУВАЊЕТО НЕ СЕ КРАТИ, АМА ЌЕ СЕ ПРОВЕРУВА
Европа ги „лови“ шоферите, Македонија преговара да се заобиколи правилото 90/180
