Градоначалникот на Баден-Баден во покраината Баден-Виртемберг во југозападна Германија, Дитмар Шпет, предизвикал сообраќајна несреќа додека возел под дејство на алкохол и лекови, објавија денес германските медиуми.
Градоначалникот го удрил автомобилот во семафор додека возел пијан и под дејство на лекови, но никој не е повреден, објави неделникот „Шпигел“.
„Мојот клиент ќе ја преземе целосната одговорност за своето однесување“, изјави адвокатот на Шпет, Герхард Брауер.
Полицијата соопшти дека 62-годишниот возач удрил во тротоарот на островот што го дели патот и удрил во семафор додека свртувал на кружен тек, и потврди дека никој не е повреден.
„Алкотестот, на кој возачот доброволно се согласил, утврдил дека имал околу 1,5 промили алкохол во крвта“, соопшти полицијата.
Државното обвинителство на Баден-Баден сè уште не го коментирало инцидентот и евентуалното поднесување обвиненија против градоначалникот Шпет.
ИЗДВОЕНИ
ЈАНЕВСКА: По малку разбирам албански, но ќе го усовршам кога ќе имам време
Рудароманија го тресе светот – нееколошки оружја за лов по ретки минерали
Производи со поминат рок, прелепени етикети, несоодветни декларации… измамите со храна во пораст
ПРЕКУ МАИЛ СО ПОТПИС НА ДИРЕКТОРОТ НА БЈБ СЕ ВИКААТ ГРАЃАНИ НА РАСПИТ ВО СТАНИЦА
