Поранешниот унгарски министер за надворешни работи, Петер Сијарто, денес објави дека поднел оставка од парламентот.
„Поднесов оставка од мојот пратенички мандат. Причината за ова е што добив исклучително престижна понуда од една од водечките светски компании за извршување меѓународна функција“, напиша Сијарто на Фејсбук.
BYD, како што изјави Сијарто, е една од најголемите успешни приказни во автомобилската индустрија во последните дваесет години, а е и водечки светски производител на возила на нова енергија.
„Од денес, ја продолжувам мојата кариера како менаџер одговорен за надворешните односи на компанијата и развојот на нови деловни области во рамките на групацијата“, рече Сијарто.
Сега веќе поранешен унгарски министер, Петер Сијарто првпат влезе во Унгарското национално собрание во 2002 година, потоа беше личен портпарол на премиерот Виктор Орбан од 2010 година, а од 2012 година беше државен секретар за надворешни работи и надворешно-економски односи. Тој беше министер за надворешни работи помеѓу 2014 и 2026 година.
ИЗДВОЕНИ
„Ги знаела процедурите, но ги знаела и шемите за продажба на бебиња“ – 8 години затвор за посредничката
Стевче Јакимовски доброволно замина на отслужување на затворската казна од шест и пол месеци
Потврдена пресудата доживотен затвор за убијците на Вања и Панче
Уапсен брачен пар од Скопје, мажот девет пати му забил нож во градите
