Министерството за внатрешни работи ги повика граѓаните за време на новогодишните празници максимално да се воздржат од употребата на пиротехнички средства.
– Петардите не се играчка, нивното користење е строго забрането, а празничното пукање со петарди може да биде исклучително опасно по животот и по здравјето, оставајќи екстремно тешки последици што можат да запечатат нечиј живот – нагласуваат од МВР.
Од министерството нагласуваат дека нивните активности во борбата против пиротехниката се континуирани, но ќе бидат со засилена динамика пред и за време на празниците, имајќи го предвид, како што велат, сезонскиот предзнак на пиротехниката, со цел да се зголеми свесноста кај младите, но и кај нивните родители, укажувајќи дека петардите не се играчка, туку опасни средства што можат да нанесат ненадоместливи и трајни последици по здравјето на младите.
ИЗДВОЕНИ
Семејствата на жртвите од „Пулс“: „Не сме сведоци за политички поени, туку за вистината“
Мицкоски: Додека сум премиер во Македонија нема да никне ниту еден шатор за мигранти
Македонија по текот на Вардар ќе гради брза пруга, во игра останува и проектот „Вардарска долина“
Меџити даде зелено светло за маршот за УЧК, ќе добие ли црвен картон од Мицкоски?
