Претставниците на Кремљ не планираат да учествуваат на првата седница на Мировниот комитет, закажана за 19 февруари, додека темата за самиот Комитет сè уште ја разгледува руското Министерство за надворешни работи, изјави денес портпаролот на претседателот на Руската Федерација, Дмитриј Песков.
„Никој од Кремљ не планира да учествува. Темата за Комитетот сè уште се разработува во Министерството за надворешни работи“, рече Песков, пренесува ТАСС.
Претходно, рускиот министер за надворешни работи Сергеј Лавров изјави дека Москва во моментов го усогласува својот став за Мировниот комитет и зема предвид „колку претпазливо многу земји, и на Запад и на Исток, вклучително и постојаните членки на Советот за безбедност на ОН, пристапија кон оваа идеја“.
