Иако се очекуваше дека Манчестер Сити лесно ќе се пласира во четвртфиналето бидејќи важеше за апсолутен фаворити, на крајот Ал Хилал успеа да направи големо изненадување и да го елиминира англискиот премерлигаш од Светското клупско првенство.
Менаџерот на „граѓаните“, Пеп Гвардиола, по натпреварот изјави дека е задоволен од она што Сити го прикажа на ова натпреварување и дека тимот ја враќа самодовербата што беше изгубена по мизерната минатата сезона.
Иако шпанскиот тренер го пофали целиот тим, навивачите на Манчестер Сити решија остро да ја критикуваат големата ѕвезда на тимот за неговата мизерна изведба, па дури и рекоа дека е време тој да го напушти „Итихад“.
Бразилскиот голман Едерсон е тој што едноставно немаше своја вечер. Ал Хилал даде три гола од три удари кон голот до 105 минути игра, а Бразилецот ја направи својата прва одбрана дури во второто продолжение.
Ова предизвика големо незадоволство кај навивачите на Сити кои го изгубија трпението со Едерсон и веруваат дека е време Гвардиола да си најде нов голман.
„Едерсон… Ако напишам нешто, ќе бидам во неволја“, „Три удари кон голот и три примени гола. Жал ми е Едерсон, но повеќе не можам да те бранам“, „Човекот немаше соодветна одбрана од таа одлична сезона и тројната круна“, „Време е да го напушти клубот“, „Пеп, најди нов голман и продај го Едерсон додека сè уште можеш“, се само дел од коментарите на навивачите на Сити.
Познато е дека долго време се шпекулираше дека Едерсон би можел да го напушти Сити и дека на маса има неколку астрономски понуди од Саудиска Арабија.
Иако Гвардиола секогаш беше на негова страна, се чини дека и тој губи трпение и нема да биде изненадување ако Едерсон навистина биде продаден ова лето по разочарувачкиот настап на Светското клупско првенство.
