„Извинете, дали знаете дека личите на Трамп“? Хит од Русија – пензионерка со неверојатна сличност со лидерот на САД/ВИДЕО

Видео од пензионерка од рускиот град Перм, која има необична сличност со американскиот претседател Доналд Трамп, ги преплави социјалните медиуми и предизвика лавина од коментари и шеги.

Веројатно ви се случило повеќе пати да видите некој странец кој изгледа неверојатно слично на некој што го познавате. Еден човек видел постара жена од Русија на автобуска станица и ја споредил со, ни помалку ни повеќе, американскиот претседател Доналд Трамп.

Видео од маж кој се приближува кон постара жена стана вирално на интернет.

– Извинете, но дали знаете дека личите на Доналд Трамп? – праша младиот човек.

– Па, така е! – одговара дамата и додава:

– Имаме само иста седа коса.

Во коментарите на видеата, многу корисници активно дискутираат за ситуацијата и се шегуваат за можна посета на американскиот претседател на рускиот главен град.