Продавниците за храна во Велика Британија забележаа значително зголемување на кражбите од страна на пензионерите во текот на изминатата година поради зголемените цени, според водечката британска фирма за обезбедување продавници Kingdom Services.
Шефот на компанијата Џон Нусбаум изјави дека се повеќе луѓе во Британија крадат храна бидејќи едноставно не можат да си ја дозволат, а дека сега крадат луѓе кои никогаш претходно не го правеле тоа, објави Гардијан.
Тој посочи дека обезбедувањето избегнува да повика полиција кога фаќа пензионери како крадат во продавници. Нусбаум рече дека ширум Британија дневно се пријавуваат од 20 до 30 кражби во супермаркети, продавници и трговски центри.
Тој процени дека пет проценти од сите фатени во кражба од обезбедувањето се постари од 50 години. Нусбаум рече дека до пред пет години организираните банди биле одговорни за кражби, а сега храната ја крадат луѓе кои не можат да ја купат поради високите цени.
Вкупно 516.971 прекршоци за кражби се регистрирани минатата година, што е зголемување од 20 отсто во однос на 429.873 кражби во 2023 година, според Канцеларијата за национална статистика на ОК.
Според овие податоци, кражбата на мало ги чини трговците на мало повеќе од 2,2 милијарди фунти годишно.
