Федералните агенции за спроведување на законот во Соединетите Американски Држави денес објавија дека уапсиле четворица членови на крајно левичарска група под сомнение дека планирале серија бомбашки напади низ Јужна Калифорнија на новогодишната ноќ, објави американската обвинителка Пам Бонди на социјалните мрежи.
Бонди, како што објави CBS News, во објава на социјалната мрежа X изјави дека Министерството за правда на САД и Федералното биро за истраги на САД (ФБИ) „спречиле масовен и ужасен терористички заговор во Централниот округ на Калифорнија“, кој ги вклучува окрузите Лос Анџелес и Оринџ.
„Ова беше неверојатен напор од страна на Канцеларијата на американскиот обвинител и ФБИ да се осигурат дека Американците можат да живеат во мир. Ќе продолжиме да ги гониме терористичките групи и да ги изведуваме пред лицето на правдата“, рече Бонди на мрежата X.
ИЗДВОЕНИ
„Безбеден град“ тргна на патот кон помалку жртви и несреќи во сообраќајот
Мицкоски: Се надевам дека ЕУ ќе најде начин да нема билатерално вето за нашето членство
Административците ќе добијат 40 отсто зголемување, а другите плати остануваат на „листа на чекање“
Во вторник ќе се решава судбината на камионџиите од Западен Балкан
