Пазарот е во криза: Работа нема ниту во Британија, расте невработеноста!

Британскиот завод за национална статистика (ONS) во вторникот објави дека стапката на невработеност во Велика Британија изнесувала 4,5% во првите три месеци од оваа година, што претставува зголемување од 0,2% во споредба со претходниот квартал и највисока вредност од летото 2021 година.

Бројот на слободни работни места во британската економија се намалил за 5,3% во трите месеци до крајот на април, во услови на зголемување на придонесите за национално осигурување на работодавачите.

Во тој период имало 761.000 слободни работни места, што е пад од 131.000 во споредба со претходната година, при што градежниот сектор доживеал најголем пад, објави „Гардијан“.

Растот на платите, исто така, ослабе, бидејќи редовните заработки во Велика Британија се зголемија за 5,6 проценти во трите месеци до март 2025 година, забавувајќи се од 5,9 проценти во претходниот квартал.

„Севкупно, пазарот на трудот очигледно се лади, што би требало да придонесе за забавување на растот на платите оваа година“, коментираше Томас Пју, економист во консултантската компанија RSM UK.

Главниот економист на Банката на Англија, Хју Пил, смета дека растот на платите, и покрај забавувањето, е сè уште превисок, што би можело да значи дека каматните стапки ќе останат високи подолг временски период.