Параноја по средбата со Путин: Отстранети и избришани сите предмети што ги допрел севернокорејскиот лидер/ВИДЕО

По големата воена парада во Пекинг, се одржа два и пол часовен разговор меѓу рускиот претседател Владимир Путин и севернокорејскиот лидер Ким Џонг Ун. Но, она што се случи по состанокот привлече посебно внимание на руските медиуми.

Russian media report that North Korean staff has thoroughly destroyed all traces of Kim Jong Un 's presence in the room.
They took away the glass he drank from, wiped down his seat and all the parts of furniture he had touched. https://t.co/avbERqsdP8 pic.twitter.com/c77brRt755

— Anton Gerashchenko (@Gerashchenko_en) September 3, 2025

Според нивните извештаи, севернокорејскиот персонал веднаш темелно ги отстранил сите траги од присуството на Ким во собата. Ја отстраниле чашата од која пиел, ја избришале столицата и го исчистиле целиот мебел што го допрел. Снимките од тоа веќе кружат на социјалните мрежи и предизвикуваат дебата за строго контролираниот култ на личноста што го следи севернокорејскиот лидер.

Зошто го прават тоа?

Опсесивната загриженост за безбедноста на Ким Џонг Ун не е ништо ново. Познато е дека тој носи свој преносен тоалет на патувања за да спречи некој да го собира неговиот биолошки материјал и да чита здравствени податоци од него, што еднаш го објавија јужнокорејските медиуми и Вашингтон пост.

За време на самитот со Доналд Трамп во Сингапур во 2018 година, камерите на Ројтерс го снимија и неговиот помошник како го брише и проверува пенкалото пред Ким да го земе во рака.

Ваквите потези укажуваат на стравувања дека дури и навидум обични предмети, како што се чаша или стол, би можеле да откријат информации што режимот сака строго да ги чува, како што е ДНК-та на Ким.

Средбата меѓу Путин и Ким траеше околу два и пол часа и се одржа во државната резиденција Дјаојутаи.

Во исто време, Путин му се заблагодари на Ким Џонг Ун за помошта што, според него, севернокорејските сили ѝ ја пружиле на руската армија во Курската област и зборуваше за „заедничката борба против модерниот неонацизам“. Ким, од друга страна, вети дека ќе ѝ обезбеди „сè што може“ на Русија, нагласувајќи дека тоа е братска обврска.