Поглаварот на Римокатоличката црква, папата Лав XIV, кој денеска на плоштадот Свети Петар зборуваше за „маченичка Украина“ и „чекање преговори за праведен и траен мир“, првпат на приватна аудиенција го прими нејзиниот претседател Володимир Зеленски, придружуван од неговата сопруга Олена.
„Ви благодарам за трпението во чекањето. Морав да ги поздравам сите делегации кои присуствуваа на инаугуративната миса“, им рекол папата додека ги пречекувал, се вели во видеото што го објави Ватикан.
На крајот од мисата по повод почетокот на неговиот понтификат, на која присуствуваа група шефови на држави, меѓу кои и Зеленски, Лав XIV јавно рече дека „Украина конечно ги чека преговорите за праведен и траен мир“.
Украинскиот претседател рече дека е „благодарен за посебните зборови на папата“, во порака објавена на Телеграм.
„Секоја земја заслужува да живее во мир и безбедност“, рече Зеленски, изразувајќи надеж дека „молитвите за праведен мир и достоинствен живот за сите луѓе“ ќе бидат одговорени.
Претходникот на Лав XIV, папата Франциско, неуморно се залагаше за мир во Украина.
