Американскиот УФЦ борецот во средна категорија Андре Петроски (34) до сега има 16 професионални ММА борби од кои 13 пати излегол како победник. Под покровителство на најсилната организација во светот, неговиот моментален биланс е осум победи и два порази, а во последните три настапи има забележано три победи по ред. Во текот на таа серија, тој го победи и Родолфо Виеира, еден од најпознатите борци со кои се соочил досега, заедно со Џералд Мерсхарт.
Сепак, она што најмногу го дефинира Петроски не е неговата статистика во кафезот, туку низ што поминал надвор од него. До 2018 година, Андре беше тежок зависник од хероин и други опијати. Тој почнал да се бори со зависноста како тинејџер, а сè започнало кога имал 16 години.
Како што вели тој, мајката на неговиот сосед потоа му дала апчиња „Окси-80“, моќен опиоиден аналгетик познат по високиот ризик од зависност и злоупотреба. Тоа беше почетокот на она што Петроски го опишува како „окси ера“ на почетокот на 21-то век.
Во интервју за американските медиуми, тој раскажа како се обидел да се откаже од дрогата по својот прв кикбокс меч, но издржал само три дена. Рецидивот на зависност речиси го чинеше живот. Тој се предозирал во својот автомобил, а неговиот пријател повикал брза помош.
Иако одбил медицинска помош, одлучувачкиот момент се случил кога се обидел да избега од местото на настанот. Полицаецот му ставил пиштол на главата, а Андре, како што вели самиот, тогаш сфатил колку ниско паднал.
- Во тој момент, се помочав. Понекогаш мора да се помочаш за да сфатиш што правиш со својот живот, рече Петроски, сеќавајќи се на пресвртница во својот живот.
Откако бил ослободен од притвор, тој решил да оди во специјализирана клиника за рехабилитација, а во исто време доживеал и духовно преобраќање. Верата станала клучен дел од неговиот секојдневен живот и, како што вели, сè уште му се моли на Бога секој ден, барајќи сила да остане чист. Во тој период, тој ја запознал и својата партнерка, со која сега има ќерка.
-Секој ден разговарам со Бога. Не како проповедник, туку искрено. Наутро му велам: „Чувај ме чист денес“, а навечер му се заблагодарувам за овој живот, истакна Петроски.
