Како што стојат работите, Кол Палмер нема да биде играч на Челзи уште долго и треба да го напушти лондонскиот премиерлигаш во голем трансфер.
Пеп Гвардиола беше оној кој го продаде Палмер на Челзи во септември 2023 година, за околу 50 милиони евра. Досега, офанзивниот играч за врска одигра 101 натпревар за лондонскиот тим и постигна 45 гола, а имаше и 29 асистенции.
Оваа сезона тој не игра на нивото што се очекуваше од него, но најголемата причина за ова се повредите, а досега одигра само четири натпревари.
Сепак, се појави информација дека Палмер наскоро би можел да го напушти „Стемфорд Бриџ“ и да ја продолжи кариерата во еден од најголемите клубови во светот.
Неговата спектакуларна форма откако го напушти Манчестер Сити го привлече вниманието на некои од најголемите клубови во светот.
Сепак, се верува дека Палмер веќе одлучил кој клуб ќе биде неговиот следен кога ќе одлучи дека е време да го напушти Челзи, а тоа е Реал (М).
Палмер има речиси осум години од договорот со Челзи, но јасно е дека ако сака да оди во Реал (М), тоа ќе мора да биде многу порано. За да се пресели на „Сантијаго Бернабеу“, шпанскиот гигант ќе мора да испрати официјална понуда не помала од 130 мил. евра.
Она што е сигурно е дека следниот преоден рок ќе донесе понуди за голем број играчи на Челзи, а Палмер треба да биде меѓу нив. Секако, Англичанецот ќе мора што поскоро да ги реши проблемите со повредите и да се врати на теренот.
Откако ќе го направи тоа, следниот чекор ќе биде да се врати во форма и повторно да почне да постигнува голови за „сините“.
