Во духот на празниците и на христијанските вредности што ги симболизира свети Василиј, Општина Ѓорче Петров реализираше хуманитарна активност насочена кон поддршка на социјално-загрозените семејства.
– Со поддршка на општествено-одговорни компании, беа обезбедени над 100 пакети со храна и со хигиенски средства, како и празнични пакетчиња за најмладите, кои беа распределени на семејства на кои им е најпотребна помошта – соопштија од Општина Ѓорче Петров.
Оттаму додаваат дека оваа активност е дел од континуираната заложба на Општината да гради заедница заснована на солидарноста, човечноста и на вистинската грижа за граѓаните, со акцент на децата и на најранливите категории.
– Општина Ѓорче Петров ќе продолжи со активностите што ја зајакнуваат заедницата и ја потврдуваат определбата дека празниците се време за споделување, грижа и за заедништво – заклучија од локалната самоуправа.
ИЗДВОЕНИ
ВТОРАТА НЕДЕЛА ОД ЈАНУАРИ СО ЗАГРИЖУВАЧКО ШИРЕЊЕ НА ВИРУСОТ: Грипот ги полни детските болници, распустот под прашалник
ПРЕМИЕРОТ ХРИСТИЈАН МИЦКОСКИ УТРЕ ЌЕ БИДЕ ДОМАЌИН НА МЕЃУПАРТИСКИОТ ДИЈАЛОГ ЗА БРОЈНИ ПРОБЛЕМИ: Ќе ѝ се пресуди ли на „пржинската влада“?
Не е само до јајцата, треба да поевтинат и другите производи
Лазаров ја избрал „седумката“ поради хрватската легенда и пријателот на татко си
